Merkezê Îrtîbatî û Çapemenîye yê HPGyî nasnameyê hîrê şehîdan eşkera kerdî. Eşkerayîye wina ya:

‘’Embazê ma Bahoz Şîlan, Cuma Goyî û Şîyar Kurdîstan 12ê çeleyê 2025î de Herêma Şehîd Delîlî ya Rojawanê Zapî de temasê vera dişmenî ra dima pêkewtiş û bombardumanan de şehîd bîyî.

Embazanê ma peyê xo de mîrasêko pîl verda. Ma soz danê ke seba ke bibê layîqê înan têkoşînê şehîdanê xo do bivisnê serkewtişî. Ma sere de keyeyanê înan ê ercîyayeyan rê pêro şarê Kurdîstanî yê welatperwerî rê serweşîye wazenê. Ma soz danê ke vîrameyîşanê şehîdanê xo tim bipawê.

Nasnameyê embazanê ma yê şehîdan wina yê:

Nameyê Qodî: Bahoz Şîlan Name û Peyname: Musa Kaya Cayê Bîyayîşî: Êlih Maye-Pî: Emîne – Mehmet Alî Tarîx û Cayê Şehadetî: 12ê Çeleyê 2025î / Zap

 

Nameyê Qodî: Cuma Goyî Name û Peyname: Mehmet Yurek Cayê Bîyayîşî: Şirnex Maye-Pî: Sarya – Sadik Tarîx û Cayê Şehadetî: 12ê Çeleyê 2025î / Zap

 

Nameyê Qodî: Şiyar Kurdistan Name û Peyname: Ahet Quwe Cayê Bîyayîşî: Mahabad Maye-Pî: Kurdistane – Osman Tarîx û Cayê Şehadetî: 12ê Çeleyê 2025î / Zap

Embazê ma Bahoz Êlih de dadîya xo ra beno. O hêrişanê DAÎŞî ra dima serrgêra Komployê 15ê Sibate de, 2015 de verê xo dano koyan.

Embazê ma Herêmanê Pawitişî yê Medya de perwerde vîneno û xoverdayîşê vera çeteyanê DAÎŞî ca genê.

Embazê ma Herêma Şehîd Delîlî de zî xeylê xebatan de cagêno û beno fedayîyêk. Embazê ma tim keno ke xo aver bero û bi nê hawayî şehîd beno.

Embazê ma Cuma Şirnex de dadîya xo ra beno. O tim wazeno bibo gerîla coka 2015 de bi qerardarî tewrê gerîlayan beno. Embazê ma Herêmanê Pawitişî yê Medya de perwerde vîneno, xoverdayîşê  vera çeteyanê DAÎŞî geno û dima agêreno koyan.

Embazê ma Herêmanê Pawitişî yê Medya de vera operasyonanê dişmenî têkoşînêkê xurtî keno û beno şehîd.

Embazê ma Şîyar Mehabad de dadîya xo ra beno. O tim meraqê cuya gerîlayan keno û hêrişanê DAÎŞî ra dima 2017 de tewrê gerîlayan beno. Embazê ma  Herêmanê Pawitişî yê Medya de perwerde vîneno. Embazê ma dima tewrê Hêzanê Taybetan zî beno. Embaz Şîyar xeylê çalakîyanê serkewteyan de cagêno û pêro embazanê xo rê zî beno çimeyê moral û hêzî.’’