Merkezê Îrtîbatî û Çapemenîye yê HPGyî bi eşkerayîyêke da zaneyene ke 23ê nîsana 2019î de Xakurkê de 4 gerîlayî şehîd bîyî û derheqê înan de nê pare kerdî:

''Embazê Argeş, Gelhat, Mervan û Reşo yê ke bi waştişê dişmenî ra hesabpersayîşî tewrê safanê gerîlayan bîyî 23ê nîsana 2019î de Xakurkê de hêrişê artêşa tirke ya îşxalkere de şehîd bîyî.

Zanayîşê nasnameyê hemrayanê ma yê ke şehîd bîyî wina yê:

Nameyê Qodî: Argeş Pîrî Name û Peyname: Şadî Onal Cayê Bîyayîşî: Colemêrg Maye-Pî: Ayşe-Îsmaîl Tarîx û Cayê Şehadetî: 23ê Nîsana 2019î / Xakurkê

Nameyê Qodî: Gelhat Bêrîtan Name û Peyname: Şerwan Atîlla Cayê Bîyayîşî: Colemêrg Maye-Pî: Emîne-Hakîm Tarîx û Cayê Şehadetî: 23ê Nîsana 2019î / Xakurkê

Nameyê Qodî: Mervan Serhat Name û Peyname: Adem Akyol Cayê Bîyayîşî: Wan Maye-Pî: Melîha-Şemsettîn Tarîx û Cayê Şehadetî: 23ê Nîsana 2019î / Xakurkê

Nameyê Qodî: Reşo Kûrî Name û Peyname: Ayetûllah Cengîz Cayê Bîyayîşî: Amed Maye-Pî: Sadîse-Mûstafa Tarîx û Cayê Şehadetî: 23ê Nîsana 2019î / Xakurkê

Argeş Pîrî

Hemra Argeş Pîrî ( Şadî Onal) o ke 1992 de Colemêrg de keyeyêko welatperwer de yeno dinya  îşkence û hêrişê dewlete yê vera kurdan nîzdî ra vîneno û 2015 de verê xo dano koyanê Kurdîstanî. Hemrayê ma Argeşo ke xeylêk xebatan de cagirewt hetê embazanê xo ra zaf ameyêne heskerdene.

Gelhat Bêrîtan

Emazê ma Gelhat Berîtan (Şerwan Atîlla) o ke keyeyêko welatperwer ê Colemêrgî de ameyo dinya serranê xo yê qican de raştîya dişmenî sarisneno û semedê pawitişê şarê xo 2015 de verê xo dano koyanê azadan.Hemrayê ma Gelîhato ke mîyanê şerî de aktîf cagirewt heta hela peyêne semedê şarê xo têkoşîn kerd.

Mervan Serhat

Embazê ma Mervan Serhanto (Adem Akyol) o ke Wan de ameyo dinya faşîzm û îşxalkerîya  dişmenî nîzdî ra vîneno û semedê xelisnayîşê Kurdîstanî 2014 de tewrê sefanê gerîlayan beno. Hemra Mervan demo kilm de xo aver berd û mîyanê şerî de aktîf cagirewt.

Reşo Kûrdî

Hemra Reşo Kûrî (Ayetullah Cengîz) o ke 1992 de  qezaya Çinarî ya Amedî ameyo dinya  têkoşînê kede rewe nas keno. Embaz Reşoyo ke Têgêrayîşê Azadîye yê Kurdan hema qijtîya xo de nas keno gama ke Unîversîteya Mersînî de waneno vera polîtîkaya asîmîlasyonî 2014 de tewrê sefena PKKyî beno. Hemra Roşo mîyanê gerîlayî de beno teqîpkerdoxê tradîsyonê çapemenîya azade û rêça Gurbetellî Ersoz û Halîl Dagan de avar şino. Hemrayê ma Reşo seba ke derbe bido artêşa tirke ro şerî de tim xo eştêne vernî.

Sere de keyeyê ma yê Onal, Atîlla, Akyol û Cengîz wa sereyê heme şare welatperwerî yê Kurdîstanî weş bo. Ma soz danê ke ma do waştişê şehîdanê xo bîyarê ca.''