HDPyî da zanayene ke Îtîfaqê Kede û Azadîye protokolê xo teslîmê Heyetê Vîjnayîşî yê Berzî kerd.

Eşkerayîya HDPyî de wina ame vatene: ''Partîya ma ya pabestîye Partîya Çep a Hewze û TÎP û EMEPî semedê Vîjnayîşê Pêroyî yê Parlamenteran ê Dewrê 28.  yo ke do 14ê gulana 2023yî de bêro kerdene, protokolê xo yê bi nameyê Îtîfaqê Kede û Azadîye kewnê vîjnayîşî, teqdîmê Heyetê Vîjnayîşî yê Berzî kerd.''

 Protokolo ke hetê hemserekanê pêroyî yê Partîya Çep a Hewze Çîgdeme Kiliçgun Uçar û Îbrahîm Akin, Serekê Pêroyî yê Tîpî Erkan Baş, Serekê Pêroyî yê EMEPî Ercument Akdenîzî ra ame îmzakerdene, hetê heyetêkî ra teslîmê Heyetê Vîjnayîşî yê Berzî bi ke Partîya Çep a Hewze ra Dursun Bektaş, EMEPî ra Selma Gurkan û TÎPî ra Eren Gonen tede ca genê.