Bi dîyarşîyayîşê dovîzî Dolar vera TLyî resa 13.50 û Ewro zî heta 15.01 şîye dîyar. Seba ke ercê TLyî timûtim kêmîyeno û krîzê ekonîmokî xorî beno şar Îstanbul û Anqara de vejîya kuçeyan.

Îstanbul de endamê partîyanê TÎP, SYKP  û xeylêk hemwelatîyî vejîyayî kuçeyan û AKP û Erdogan protesto kerdî. Endamanê SYKPyî  pê kankart û  sloganan rayraşîyayîşêk kerd û îstîfayê Erdoganî waşt. TÎP zî Kadikoy de eşkerayîyêke daye bale ante ser ke hukmatê AKPyî senî wetat fînayo tengayî. Eşkerayîye de ame vatene ke înanê  ke nanê şarî diznayo do tira hesab bêro persayene.

Anqara de zî rixmê astenkerdişê polîsan taxa Esatî de bi desan kesî ameyî têhet û semedê îstîfayê AKP û Erdoganî rayra şîyî. Hetê bînî ra wendekaranê ODTU zî bi slogana ''wa ampul biteqo'' çalakayî kerde.

Çalakîyê semedê îstîfakerdişê AKP û Erdoganî bajaranê bînan ra zî vila bîyî. Amed de zî bi çalakîya vengvetişî şarî hukmat protesto kerd.