Şaredarîya Bajarê Pîlî ya Wanî ameye xespkerdene
Şaredarîya Bajarê Pîlî ya Wanî ke bi vîjnayîş û xoverdayîşî amebî destkewtene, ameye xespkerdene.
Şaredarîya Bajarê Pîlî ya Wanî rê ya ke bi vîjnayîş û xoverdayîşî amebî destkewtene, walîyê bajarî sey qeyûmî ame cakerdene.
Bado ke cezaya zîndanî dîyaye Hemşaredarê Bajarê Pîlî yê Wanî Abdullah Zeydanî, wezîrîya zereyî Walîyê Wanî Ozcan Balci şareşdarîye rê tayîn kerd.
Şaredarîya Bajarê Pîlî ya Wanî badê vîjnayîşê cayîyî yê 31ê adare reyna amebi waştene ke bêro xespkerdene la xoverdayîşê şarê Wanî ra dima qerar peyser amebi antene.
Polîsan waşt Hemşaredarê Bajarê Pîlî yê Wanî Abdullah Zeydanî rê teblîqatê wezîrîya zereyî yê wezîfeyî ra dûrfînayîşî bido îmzakerdene la Abdullah Zeydanî vat o qerarî nas nêkeno û teblîqat îmza nêkerd.
