Emîne Şenyaşara ke 14ê hezîrana 2018î de mêrde û di lajê ci hetê merdimanê Wekîlê AKPyî Îbrahîm Halîl Yildizî ra kişîyabî, lajê xo Ferît Şenyaşarî reyde verê Edlîyeya Riha de, Nobeta Edaletî rê roja 459. de dewam kena.

Platformê Kede yê Riha seba Haci Esvet, Adîl û Celal Şenyaşaran serrgêra 4. ya qirkerdişê înan de 14ê hezîrane de bernameyêkê yadkerdişî serûber bikero, çarçewa bernameyî de gorê Şenyaşaran do bêrê zîyaretkerdene, Salona Konferansî ya Tahîr Elî ya Baroyê Riha de zî derheqê Keyeyê Şenyaşarî û Edaletî de forumêk do bêro kerdene.

 Ferît Şenyaşarî venga pêro kesan, rêxistinanê komelê sivîlî, rêxistinanê heq û edaletî da ke wa tewrê bernameyê yadkerdişî bibê. Şenyaşarî vat: ''4 serrî yo dewaya qirkerdişî ser o bira nimite est a. Wa her kes 14ê hezîrane de bibo vengê ma. Tîya de qirkerdişêko pîl ame kerdene. A roja yadkerdişî de ma pîya edaletî bîyarê. ''