Şirnex de hûmara destbendkerdeyan bîye 13
Merkez û dewanê Şirnexî de roja çarşemeyî leşkeranê tirkan eştbî xeylêk keyeyan ser û merdimî destbend kerdbî. Dîya zanayene ke şaristan de hûmara destbendkerdeyan bîye 13.
Polîs û leşkeranê tirkan merkez, dewanê Avgamasiya û Serdehlê, taxa Afetî yê Şirnexî de vizêr eştbî xeylêk keyeyan ser.
Hûmara destbendkerdeyan resaye 13. Nameyê hemwelatîyanê ke ameyê destbendkerdene wina yê:
"Nîhat Ustun, Saît Ustun, Abdûrahman Altay, Salîh Ceylan, Haci Ustun, Halît Gungen, Adil Ustun, Omer Gulenç, Nîzar Kilinç, Emîn Mûngan, Emîn Kulter, Naîm Tûnç û Şoreş Akin."
13 kesî nezaretê Fermandarîya Tumenî ya Cendirmeyan de tepişîyenê û sebebê destbendkerdişê înan nêzanîyeno.
