Rixmê vengdayîşanê şarê kurdî û rêxistinanê komelê sivîlî zî OPCWyî hema zî vera hêrişanê kîmyewîyan derheqê dewleta tirke de tehqîqatêk nêda destpêkerdene. Wekîla Partîya Çepe ya Almanya Gokaye Akbulut seba ke OPCW gamêke bierzo mektubêk nuşt.

Endama Meclîsê Federalî Akbulute mektub Temsîlkarê Almanya yê OPCWyî Thoman Schiebî rê nuşt û tede bale ante raporê Rêxistina Yewîya Doktoranê Mîyannteweyîye ya Vera Şerê Atomî (IPPNW) ser û dîmenê gerîlayanê ke raştê çekanê kîmyewîyan ameyê.

Gokaye Akbulut pê hesna ke xeylê delîl û agahîyî mojnenê ke dewleta tirke çekanê kîmyewîyan şuxilnayê û seba ney zî tehqîqatêko xoser hewce yo. Akbulute îfade kerd ke 1997 de Tirkîya îmza daya Peymana Çekanê Kîmyewîyan ser û dezgehê OPCWyî zî muxatabê caardişê na peyman o.

Albulute mektub de venga Schiebî da ke wa derheqê Tirkîya de tehqîqat abikero.