Merkezê Koordînasyonê Krîzî yo ke binê serbanê Kongreya Komelê Demokratîkî (KCD) de vera Korona amebi ronayene eşkerayîyêke daye û  bale antê nê nuqtayan ser:

''Tehlukeyê Korona dewam keno û hukmat vera janî zelal tênêgereno. Mergê ke rîyê Korona ra qewimîyenê hukmat sey merganê normalan qeyd keno.  Seba ke hukmat raştîyan nêvano  bawerîya şarî înan rê çîn a. Xora xebatkarê weşîye senîke binê tecrîdî de yê nêeşekenê qisey bikerê. TTB û sendîkayê weşîye tewrê karî nêkerdî. Qesawetê janî yew perî ra perî bînî ra zî hukmatî bi tewirê xo yê marjînalî şar dahahîna visto tengayîye. Îqtîdaro ke bekaya xo weşîya şarî ra cor de vîneno ra bêşik o ke çîyêk nîno pawitene. Janê Korona meseleya beka nîya. Hukmat têna derdê îqtîdarê xo de yo şar xeymê ci de nîyo. Coka senedê weşîya komelî çîyêk nêkeno.''

Koordînasyonî derheqê xebatanê xo de zî nê vatî: ''Xebatanê ma yê ke bi vengdayîşê hîjyen, îzolasyon û paştîdayîşî dest pêkerde bi paştdayîşê keyeyanê tepişteyan, xurtkerdişê têkoşînê huqûqî,  xebatê berardişê alternatîfî, Kampanyaya Keyeyê Wayûbirayî, xebatanê cinîyan, xebatê kultur û ziwan û xebatê çapemenî dewa kena.''