Amed de serkêşîya TJA, DEM Partî û DBPyî de hêrişê qirkerdişê sîyasîyî yê vera HDKyî ameyî protestokerdene . Eşkerayîya ke qezaya Yenişehîrî de ameye dayene xeylê kesî tewrê ci bîyî.

Wekîla DEM Partî ya Amedî Ceylane Akça ard ziwan ke bi hêrişanê vera HDKyî êyê ke sîyasetê Rayîrê Hîrêyînî ra bawer kenê ameyî hedefgirewtene û nê vatî: ''Hukmat verê vengdayîşê Îmraliyî keno ke komplo bikero. Nê qoqî zaf zixmê. Tepiştiş û zextê şima nêeşkenê şarî bitersnê. Şima çend eşkenê krîmînalîze bikerê, HDK ma yê. HDK Rayîrê Hîrêyîn o, şima nêeşkenê nê birijnê. Şima komplokarî do binkewê. Êyê ke pê HDK û Rayîrê Hîrêyînî bawerê, haştîye wazenê do ser bikewê.''

Badê eşkerayîye polîsan tirkan waşt pankartî bigîrê. Ceylane Akça pankart pişt xo ya nêverda polîsî bigîrê. Badê munaqeşeyê kilmî eşkerayîye qedîyaye.