Armenîstan de bi kombîyayîşêkê şarî şehîdê Qirkerdişê Parisî û Silopî Sêvê Demîr, Pakîze Nayir û Fatma Uyar, Sakîne Cansiz, Fîdan Dogan, Leyla Şaylemez, Evîn Goyî, Abdurrahman Kizil û Mîr Perwer ameyî yadkerdene.

Kombîyayîş de Endama Yewîya Cinîyan ê Azadan Seyrane Celad, Dayê Çîle, Hemserekê Komîteya Kurdîstanî Silo Dirboyan û Wekîl Kinyaz Hesenovî qisey kerd û vat: ''Eke Qirkerdişê Parisî yo verêne biameyêne roşnîkerdene Qirkerdişê Diyîn do nêqewimîyayêne. Eke nê qirkerdişî roşnî nêbê Fransa zî do biba şirîka sûcê dewleta tirke.''

Qiseykerdişan de wina ame vatene: ''Bi taybetî zî cinîyê kurdî yê serkêşî benê hedef. Ma do qetî verê qirkerdiş û tedayan de sereyê xo nêarê warî. Ma do bi têkoşîn û rêxistinîya xo kiştoxan ra hesab bipersê.''