Arjantîn de paştdayîşê bi Hemleya 'Rayber Apoyî rê Azadîye, Meseleya Kurdan rê Çareserîye' dewam kenê. 

Beşdaranê Kongreya Encuentro Memoria Verdad y Justicia (Vîr, Raştîye û Edaletî) hewteyê peyênî de Buenos Airesî de ameye kerdene. Kongre 100 dezgehan ra yena pê. Kongre de şerê vera kurdan ame şermezarkerdene û azadîya Rayber Apoyî ameye waştene.

Tayê temsîlkaranê kongre ajansê ma rê fikrê xo ardî ziwan.

Serekanê Partîya Şarî ya Karkeran a Arjantînî Elena Nono vat: ''Ma azadîya Abdullah Ocalanî wazenê. Serekkomarê Tirkîya Erdogan her roje polîtîkayanê şîdet, faşîst û  bêmerdimatî yê vera kurdan ano ca. Ma paştî danê Hemleya Azadîye. Goreyê ma na hemle hêzêko pîl xo de ardo. Bi na hemle ruhê paştdayîşî yo pîl ame afernayene. Ma do asta tewr berze de paştî dana azadîya Ocalanî.''

Sekreterîya Pêroyî ya Meclîsê Dayîmî yê Heqanê Merdiman ra Marielena Nadeo îfade kerd ke sey Mayanê Plazo De Mayoyî ê paştî danê na hemle û vat: ''Meseleya kurdan meseleyêka newîye nîya. Ma zanenê ke mîyanê şert û mercanê giranan de û şerê gemarinî de kurdî xoverdayîşêkê tarîxî kenê. Seba paştdayîşê nê xoverdayîşî û xurtkerdişê na hemle ganî ma xîretanê xo bizêdînê. Seba azadîya kurdan û azadîya lîderê kurdan ma paştdayîşê xo pîlêr bikerê.''

Dîrektora Heqanê Merdiman a TA/Autonoma Nacional Maria Jose Kano vat: ''Ma serkêşanê na hemle ra yê. Ma bi destekê hemle paştî danê têkoşînê kurdan, tedaya komelê mîyanneteweyîyî kenê ke Ocalan azad bibo.''

Endamanê Panelos En Rebeldia ve Feministas Abya Yala ra Mirta Israili vat: ''Ferasetê Ocalanî nêzdîbîyayîşêko polîtîk o. Ma zî bi têkoşînêkê xurtî azadîya Ocalanî wazenê. Heman wextî de ma xoserîya şarê kurdî wazenê. Arjantînî ra ma do têkoşînê hemrayanê xo yê kurdan anê ca.''