Vervatoxa DEM Partî Ayşegule Dogan vat: "Ma kewnê merhaleyêka newî. Goreyê zanayîşanê ke ma de ameyî parekerdene hewteyê verê ma de pîya bi tay gaman ma do pêro pîya helanê tarîxîyan rê şahîdîye bikerê. "
Vervatoxa DEM Partî Ayşegule Dogan derheqê kombîyayîşê Heyetê Rayberdişî yê Merkezî de merkezê pêroyî de kombîyayîşê çapemenîye kerd.
Qiseykerdişê Ayşegule Dogan ra qismêk wina yo: ''Ma eşkenê vajê ke ma hinî kewnê merhaleyêka newî. Xora lingêka na eşkerayîye komîsyono ke yeno pawetene ke bêro ronayene, o yo. Ma merhaleyêka newî de yê. Ma sey DEM Partî destpêkerdişî ra semedê nê kede danê. Na babete de komel de zî waştiş û paştdayîş est o. No komîsyon eşkeno rolê muhîmî bîgîro xo ser. Gerek na linge bêro xurtkerdene. Bi hazîrîyanê huqûqîyan bêro xurtkerdene. Ma sey partîya sîyasîye vanê haştîya komelkî.
Gerek çew bireso pêro hetanê komelî. Komîsyon eşkeno zaf karan bikero. Ma sey partîye îlkeyê zafîye canêverdenê. Ma kewnê merhaleyêka newî. Goreyê zanayîşanê ke ma de ameyî parekerdene hewteyê verê ma de pîya bi tay gaman ma do pêro pîya helanê tarîxîyan rê şahîdîye bikerê. Mekanî ser zî zaf yeno qalekerdene, derheqê nê de zaf xeberî est ê. Bi eşkerayîyan beno safî. Ma sey DEM Partî zanayîşo ke dîyayo ma, ma eşkenê pare bikerê. Yeno plankerdene ke Îdareyê Herêmî yê Kurdîstanî de bêro kerdene. Na gama tarîxî do goreyê qeraranê kongre bêro eştene.''
