Komeleya Rojnamegeran a Dîcle-Firatî (DFG) raporê xo yê serê binpaykerdişê heqanê rojnamegeran ê hezîrane eşkera kerd. Rapor de dîya zanayene ke menga hezîrane de 16 rojnamegerî ameyê destbendkerdene û nînan ra 6 rojnamegerî ameyê tepiştene. Bi nê hawayî hûmara rojnamegeranê tepişteyan bîye 34 kesî.

DFGyî sereştişê vera Kovara Lemanî û destbendkerdişê xebatkaranê ci sey hêrişê vera azadîya fikr û îfadeyan pênase kerdî.

Goreyê raporî hezîrane de 9 rojnamegerî kewtî verê tehqîqaqtî, vera 13 rojnamegeran dewayî ameyî akerdene, rojnamegerî Zeynepe Durgut û Alîcan Ulydag ameyî tehdîtkerdene, cezaya zîndanî dîyaye rojnamegere Zîlane Gul.

Rapor de ame îfadekerdene meaşo qîm nêdîyeno rojnamegeran, 158 rojnamegerî KRTyî ra ameyê vetene. 

DFGyî vat ke teda û kerdişê antî-demokratîkî yê vera rojnamegeran zêdîyayê û vera ney têkoşînê înan ê raştîye dewam bikero.