Avûkatanê Buroyê Huqûqî yê Asrinî ra Suzane Akipa, Emran Emekçî, Cengîz Yureklî û Îbrahîm Bilmezî seba ke muweklê Rayber Apoyî dir pêvînayîş bikerî muracatê Serdozgerîya Komare ya Bursa û Mudirîya Zîndanê Îmraliyî kerd.

Avûkatan semedê muwekîlanê xo yê bînan Omer Hayrî Konar, Hamîlî Yildirim û Veysî Aktaşî zî muracat kerd ke Îmrali de binê tecrîdê giranî de yê.

Muracatê avûkatan û keyeyan bi serran o bêcewab yenê verdayene. Hetê  Dadgerîya Înfazî ya Bursa zî ge ge cewabê ke erey yenê dayene de bi sebebê cezayanê dîsîplînî, bi hewayêkê keyfî û sîstematîkî pêvînayîşî hendê 6 mengan yenê qedexekerdene.