Wekîlê HDPyî yê Çewlîgî Erdal Aydemîrî vernîyazêkê persan da Meclîsî û pare kerd ke goreyê îdîayan dormeyê dewa Arêgî de qezaya Gêxî ya Çewlîgî de yeno waştene ke ocaxê madenan bêro viraştene.

Aydemîrî vat: ''Verî zî Gêxî de amebi waştene ke ocaxê madenî abibo la nêrazîbîyayîşê şarî ser o mehkeme na bire betal kerdbî. Wina aseno ke tewirê şarî tesîrê şima nêkeno. Şarê Çewlîgî do reyna vera ney vejîyo û pêro heqanê xo bişuxilno. Eke a herême de ocax bêro ronayene hînî Gelîya Pêrî zî tede pêro gandarî û xoza do çin bibê. Coka şarê Çewlîgî wazeno ke no proje wa bêro betalkerdene.''

Aydemîrî nê persî pers kerdî:

-Raşta zî dormeyê dewa Arêgî de ocaxê madenî do bêro viraştene?

-Çira rixmê bira mehkeme zî nê ocaxî de hende israr yeno kerdene?

-Şima do betalkerdişê nê projeyî têbigêrê?

-Raşt o ke Wezîrîya Enerjî û Çimeyanê Xozayîyan raporo pozîtîf dayo nê projeyî?