Vervatoxa DEM Partî Ayşegule Dogana ke tewrê kongreya rêxistina DEM Partî ya Şirnexî bîye, bale ante vengdayîşê Rayber Apoyî yê 27ê sibate ser.

Ayşegule Dogan nê vatî: ''Birêz Ocalanî badê 50 serran rixmê şertanê zaf giranan bi vengdayîşê xo semedê merdimîye û şaranê Rojhelatê Mîyanênî pelêko newe akerd. Eke waştişê komel û haştîye  pîya nêro rayraberdene ameyîşê haştîye kewno erey. Vengdayîşê Birêz Ocalanî hetêkî ra haştîye hetê bînî ra destpêkerdişê komelê demokratîkî yo. Semedê ma pelo neye yeno akerdene. Ewro badê 26 serran heqîqetî xo mojna ra.

Ma fotografê peyênî de rî û çimanê Birêz Ocalanî de tarîxê şarê kurdî dî. Ma vanê hinî be so. Ma tîya Botanî ra veng danê. Wa şertê Birêz Ocalanî bêrê bedilnayene. No proses wa serkêşîya ey de bêro rayraberdene. Seba ke Devlet Bahçeli û Erdoganî ke nê proesedî de ca genê, înîsîyatîfî girewt, ma keyfweş ê. La ma nê qebul nêkenê ke tay şertanê rehatan de xebityenê, o bîn şertanê tecrîdî de xebityeno.''

Badê qiseykerdişanê kongre netîceya vîjnayîşî de Taybet Bilgi û Ramazan Uysal sey hemserekanê DEM Partî yê Şirnexî ameyî vîjnayene.