Vervatoxa DEM Partî Ayşegule Dogan derheqê kombîyayîşê Heyetê Rayberdişî yê Merkezî yê partîya xo de ya  ke yena domnayene eşkerayîya çapemenîye daye.

Ayşegule Dogan erjnayîşê xo de vera qeyûmê vera Şaredarîya Bajarê Pîlî yê Wanî de nêrazîbîyayîş mojna û xoverdayîşo ke rixmê hêriş û şîdetê polîsan yeno domnayene selam kerd. Ayşegule Dogan  vist vîrî ke 2016î ra nata bi metodanê cîya cîyayan kenê ke destkewteyanê ke sindoq de ameyî destfînayene, bifînê dest û vat waştişê înan oyo ke kurdî çirey cayêkê dinya de zî masa de ca megerê.

Ayşegule Dogan derheqê munaqeşeyanê Rayber Apoyî badê pêvînayşî Qendîlî rê mektub şawit zî de nê vatî: ''Ez wazena derheqê nê de zanayîşo zelal bidî.  Raşt o, Birêz Ocalanî hem Qendil, hem Ewropa hem zî Rojawanî rê mektub şawit û mektub resa selahîyetdaranê eleqedaran. Înan bi xo zî eşkera kerd. Ma zî no teyît kerd. Metub Qendîl de resa destê selahîyetdaranê KCKyî, Rojawan de resa destê selahîyetdaranê QSDyî û Ewropa de zî resa KCDK-E û KNKyî.  Reyna ez wazenê nê zî vajî, teberê Heyetê Îmraliyî de temasêkê ma bi Îmraliyî çîn o.''