Hemserekê Pêroyî yê DEM Partî qezaya Xoşkarî ya Çewlîgî zîyaret kerde. Şarî bi dahol û zurne û bi slogananê ''Her DEM xoverdayîş her DEM azadîye'' Bakirhan û heyetê ci pêşwazî kerdî. 

Bakirhanî bînaya DEM Partî ya Xoşkarî ver de qisey kerd û vat: ''Na qezaya ma ya rinde rê xizmet nêno kerdene. Merdimê tîyayî merdimê ma yê û raştê teda ameyî. Erdoganî herêma erdlerzî de vatbi 'Eke şima raye nêdê ma, ma zî do xizmet nêkerê.' La hende serrî yo Çewlîg û Xoşkarî rê çira înan xizmet nêkerdo? Hema zî tîya de meseleya binawanîye û awe est a. Tîya de elewîyî ciwîyenê la seba îbadetkerdişî xizmet nêno kerdene elewîyan.

Eke ma Şaredarîya Xoşkarî bigêrê ma do îmkananê Şaredarîyanê Mêrdîn, Amed û Wanî seba tîya seferber bikerê. Partîya ma seba ziwanê şima têkoşîn kena. Serekê Meclîsî ziwanê ma rê vano 'ziwanêko nêzanîyeno.' Ez nêwazena heqaretanê ke ê Şêx Seîdî rê kenê bîyarê ziwanî. 

DEM Partî keye, way û birayê kurdan a. Ma wina pawenê ke şima 31ê adare de rayanê xo bidê gananê xo. Êyê ke ziwanê ma çin hesibnenê, xozaya ma talan kenê û şaredarîyanê ma binê deynan de verdenê nînan ra 31ê adare de hesab bipersê.''

Bakirhanî dima esnafî zîyaret kerdî û verê xo da qezaya Kanîreşî ya Çewlîgî.