Rêxistina Îzmîrî ya Partîya Bindestan a Sosyalîste (ESP) û Federasyonê Ciwananê Sosyalîstan (SGDF) bi waştişê qedfilnayîşê zîndananê sey ‘bîran’ dest pê grevê vêşanîye yê 3 rojan kerd.

Çalakîye bînaya ESPyî ya Îzmîrî de mabênê 15-17ê gulane de, saete 11.00 ra heta 17.00 dewam bikera.

DEM Partî, Partîya Azadîya Komelkîye (TOP), ÎHDyî û KOZî zî paştî daye çalakîye.

Îdarekarê ESPyî Alî Kiliçî bale ante ser ke zîndananê S û Yyî de tecrîdo giran est o û nê zîndanî seke îşkencexane yê. Kiliçî venga her kesî da ke wa paştî bido çalakîya înan.

Kiliçî vat: ‘’Zîndanî cayê teslîmîyetî ney cayê xoverdayîşî yê. Wa zîndanê sey bîran bêrê qefilnayene.’’