Wekîla DEM Partî Sumeyye Boz ‘’Festîvala Cinîyan, Xoza û Kulturî’’ ya Gimgimî de qisey kerd û vat: ‘’Wexto ke ma no fotograf darde kerd ma şermî ney xoverdayîş dî. Înanê ke a teşhîr kerda ney îradeyê Ekîne Wan tarîx nuşt.’’
‘’Festîvala Cinîyan, Xoza û Kulturî’’ ya Gimgimî bi şîarê ‘’Cinîya azade, xoza û kulturî reyde ver bi komelê demokratîkî’’ dest pêkerd. Festîvale seba Ekîne Wan (Kadere Kevser Elturk) yena kerdene ke gerîla Ekîne dima ke amebî qetilkerdene bedenê ci amebi teşhîrkerdene.
Hemsereka DBPyî Çîgdeme Kiliçgun Uçar, Wekîla DEM Partîya Mûşî Sumeyye Boz, aktîvîsta TJA Ayla Akat Ata û bi seyan cinîyî tewrê festîvale bîyî. Festîvale de sloganê sey “Bijî Serok Apo", “Jin, jiyan, azadî" û "Jin dimeşe, erd û ezman diheje" ameyî vatene.
Sumeyye Boz eşkerayîye wende û bale ante teşhîrkerdişê bedenê Ekîne. Sumeyye vat: ‘’Wexto ke ma ê fotografî dîyî ma şermî ney xoverdayîş dî. Înanê ke a teşhîr kerda ney îradeyê Ekîne Wan tarîx nuşt.
Fuhuş, madeyê tîryakî, cînayetê cinîyan û qirkerdişê xoza parçeyêkê stratejîya şerê taybetî yo û vat: ‘’Ma do nê polîtîkayan teşhîr bikerê. Ma seba rêxistinîye tîya de yê. Ma vanê ‘Jin, Jiyan, Azadî.’ ‘’
