Festîvala Cinîyan a Sakîne Cansiz a 12ine şaristanê Zurichî yê Swîsre de, serkêşîya YJK-Syî de bi coşêkê pîlî ameye kerdene. Festîvale bi sloganê ‘’bijî Serok Apo’’ qedîyaye.

Festîvale de Hemsereka KNKyî Zeynebe Muradî qisey kerd û bale ante têkoşînê Sakîne Cansiz (Sara) ser. Zeynebe vat: ‘’Sara xoverdayoxêka Dêrsimî bîye. Eke ewro cinîyê dinya mîyanê sîyasetî de cagênê ney de keda embaze Sara pîl a. Ma soz da ke heta ke Qirkerdişê Parisî roşnî bikerê do nêvinderê. Ma sey cinîyan ê kurdan wayîrê Vengdayîşê Haştîye û Komelê Demokratîkî yê Rayber Apoyî vejîyenê. ’Sara musna ke ma verê zulmî de sereyê xo nêarê war. Ma rêçê aye de, rêçê cinîyan ê şehîdan ra do şorê.’’

Warê festîvale bi fotografanê Rayber Apoyî û şehîdan amebi dekerdene. War de sloganê ‘’Jin, Jiyan, Azadî’’ ame vatene. Festîvale de tewr zaf xeyma ‘’Zarok Ma’’ eleqe dî.

Endamanê Akademîya Modernîteya Demokratîke (ADM) û Akademîya Jineolojî zî war de cayê xo girewt. Nînan karê kargehî kerdî, broşurî vila kerdî.

Festîvale de hunermendî Jala, Sasa Serap, Zerîfa Zêrîn, Gulan, Silav Rojava û Awazê Mitra û Koroyê Domanan vejîyayî sehne ser.

Festîvale heta şewe dewam kerd û bi sloganê ‘’Bijî Serok Apo’’ qedîyaye.