“Kampanyaya Werîşe Muradîye rê Azadîye” bale ante binpaykerdişê heqanê merdiman ê tepişteyanê sîyasîyan ê Îranî ser û vengdayîşo lezabez kerd.

Eşkerayîye de dîya zanayene ke bado ke Îsraîlî hêrişê Zîndanê Evînî kerd qismêkê tepişteyanê sîyasîyan Zîndanê Qereçikî rê ameyî sewqkerdene û ame vatene ke na rewşe xizmetê weşîye yê semedê tepişteyan dahîna zor kerd.

Vengdayîş de ame vatene ke Werîşe Muradî heqê tedawî ra yena mehrumverdayene û ame waştene ke wa bêşertî bêro tehlîyekerdene û teber de nêweşxaneyêkî rê bêro naqlkerdene.

Werîşê Muradî1ê tebaxa 2023yî de Rojhelatê Kurdîstanî de nizdê bajarê Sîne de hetê Muhafizanê Şorişî yê Îranî ra ameye destbendkerdene, badê cipersayîşê panc mengan Zîndanê Evînî rê û dima ra zî Qereçikî rê ameye sewqkerdene. O tarîxî ra nata xizmetê weşîye ra mehrum yena verdayene.