Paytextê Belçîka Bruksel de konferansê "Serra ci ya 100. de Serewedaritişê Şêx Sedî, Têgêrayîşê Azadî, Şêx Seîd û embazê ci, vîr û îtîrazo kolektîf"î yeno kerdene.

 Rayber Apoyî semedê konferansî mesajêk şawit. Mesajê Rayber Apoyî wina yo:

“Konferansê Seserra Serhildanê 1925î rê

Cemîyetê Azadî, Şêx Seîd û Hemrayê ci, Vîrameyîş û Îtîrazo Kolektîf

Raştîya tarîxî ya ke ma şexsê Şêx Seîdî de yad kenê, cehdkerdişêk û serewedaritişê herêmî ra wêter o. Na raştîye vîrê komelkî yê şarê kurdî de rêçê xo verdayî, têkoşînêkê estbîyayîşê tradîsyonkî yo. O têkoşîn vera zîhnîyetê yewperestî serewedaritişê komelê kurdan o ke  bawerî, tradisyon û îrade fîna werte.

Şêx Seîdî şertanê dewrî de sey serkêşêkî berpirsîyarîya komelkî girewt xo ser, vera polîtîkayanê înkarî yê vera îradeyê kurdan tewiro xurt ramojna. Cehdkerdişo ke şexsê ey de bi bimana têna sîyasî nîyo, eynî wextî de nêrazîbîyayîşo komelkî yo. No nêrazîbîyayîş îfadeyo tarîxî yê kurdan ê sedeqatê heqîqetê înan o. 

Serranê ronayîşê Komare de sîyaseto merkezî û bi yew nasnameyî waştêne şarê kurdî nasnameyê ci bikero. Şêx Seîdî vera nê sîyasetî bi vatişê “Ma edalet waşt şima îdam da” vengê şarêkî kirişt sehpaya îdamî. No vate mojneno ke heqîqetî vera zextî peyser game nêeşte. Reyna vatişê ci yê  “Dozger beg ti vat bi ma zîyafetê danê” komplo ke ame kerdene mojneno çiman ver. Vatişê ci yê  “Tornê mi do qesasê mi bîgîrê” zî hêvîya ke neslenê ameyoxî rê verdaye, îfade keno. Gerek ewro nê ra dersî bêrê vetene û goreyê nê bêro têgêrayene. 

Mi no tradisyon sey zemînêkê bedilnayîşê şorişgêrî yê kurdîtîya azade girewt dest.Têkoşîno ke ez rayra bena hedef keno mîrasê bimanayî yê demê ravîyarteyî, sîstemê demokratîkî yê ameyoxî bîyaro têhet. Xeta Şêx Seîdî eke bi paradigmaya netewa demokratîke ya ewroyî bêro têhet, resena manaya xo ya raşte.  Kurdîtîa azade bi sedeqatê tarîx, kultur û erjanê ehleqî-polîtîk yê şarî mumkun a. Şarê ma gerek na babete de dîqet bikero; mîraso bimbareko ke rayberanê tarîxî verdayo gerek wayîrê ci bivejo.

Na çarçewe de ez Şêx Seîd û embazanê ci bihurmet yad kena; reyna vana ke ez do erjê têkoşînê înan rayrîrê azadîye û heqîqetî de bidê ciwîyayene. Hêvî kena ke konferans bi serkewtişî bêro kerdene, pêro tewrbîyayoxan selam kena.

Abdullah Ocalan

Îmrali hezîrane 2025 ”