Bi wesîleya serrgêra 100ine ya dardekerdişê Şêx Seîdî û embazanê cxi 29ê hezîrane de Koln de mîtîngêk do bêro kerdene. KCDK-E venga pêro kurdîstanijan dan ke 29ê hezîrane de şaristanê Kolnî yê Almanya de, bi ruhê seferberî tewrê mîtîngî bibê.

KCDK-E îfade kerd ke Şêx Seîd û embazê ey bi têkoşînê xo bîyî sembolêkî û vat: ‘’Ronîyayîşê Komara Tirkîya de sozê ke dîyabî kurdan nêameyî caardene. Naye ra Şêx Seîdî û embazanê ey sere wedarit. Şehadetê înan zaf girîng o.

Ma venga pêro cinî, ciwan, kokim û kurdîstanijan danê ke nê prosesî de bi ruhê yewîya neteweyîye têbigêrê. Seba serkewtişê nê prosesî erkêko girîng verê ma de yo. Ma venga şarê xo danê ke tewrê nê vengdayîşî bibo. Ma venga pêro kurdîstanijan danê ke bi ruhê seferberî tewrê mîtîngê 29ê hezîrane bibê.’’