Tepişteyo nêweş Îsmaîl Hakki Tursun (60) 32 serran û 6 mengan ra dima zîndanî ra vejîya. Tursunî dîyar kerd ke hema bi seyan tepişteyê nêweşî zîndan de yê û vat: ‘’Ez xêrê Rayber Apoyî ra hendê payan ser de menda.’’
Tepişteyo nêweş Îsmaîl Hakki Tursun (60) 32 serran û 6 mengan ra dima zîndanî ra vejîya. Tursun 1992 de Amed de tepişîyabi. Tehlîyeya Tursunî verê cû 4 reyî amebî taloqkerdene.
Hetê bînî ra Zekî Alakuşo ke 18ê gulana 2019î de Riha de bi îşkence tepişîyabi zî vera dîya.
Tursun û Alakuş hetê keyeyanê xo û endamanê OHD, DEM Partî û DBPyî ra bi tilîlî û bi sloganê "Bijî berxwedana zindanan" ameyî pêşwazîkerdene.
Tursunî verê zîndanî de vat: ‘’32 serran ez bi hêzê Kemal Pîr, Hayri Durmuş, Alî Îhsan Uçkardeş, Doktor Mahsum, Halîl Çavgun û xeylê embazan payan ser de menda. Ez deyndarê înan a. Ez xêrê Rayber Apoyî ra hendê payan ser de menda.’’
Girseyî bêmabên sloganê "Bijî Serok Apo" vat.
Alakuşî zî waşt ke wa tepişteyê nêweşî yê bînî zî vera bidîyê.
