Merkezê Îrtîbatî û Çapemenîye yê HPGyî Endamê Konseya Fermandarîye û Fermandarê Eyaletê Wanî Cîger Goyî yad kerd. Eşkerayîye wina ya:

‘’Ewladê eşîra Goyî yo welatperwer, milîtanê PKKyî yo çêr, Endamê Konseya Fermandarîye û Fermandarê Eyaletê Wanî embazê ma Cîger Goyî 26ê êlula 2020î de Wan de herêma Kato Marînosî de hêrişê dişmenî de şehîd bi.

Ey Heftanînî ra heta Zagrosan, Zagrosan ra heta Şingalî, Garê ra heta Botanî bê mabên têkoşîn kerd, tecrubeyê pîlî vistî destî û bi fermandarêko weste. Ma embazê xo Cîger Goyîyî bi rêz û minetî yad kenê. Sere de keyeyê ey ê ercîyayeyî rê ma eşîra Goyîyî û şarê Kurdîstanî yê welatperwerî rê serweşîye wazenê.

Nasnameyê embazê ma Cîger Goyîyî wina yo:

Embazê ma Cîger Qileban de dadîya xo ra beno. Keyeyê ci dima zulmê dewlete ra koçê Mexmûrî keno. Embazê ma tîya de têgêrayîşê azadîye nêzdî ra şinasneno. Embazê ma 2008 de Heftanînî ra tewrê gerîlayan beno. O Garê de perwerde gêno, Zagrosan de panc serran têkoşîn keno. O 2012 de di reyî birîndar beno la rixmê ney zî têkoşînî rê dewam keno.

Embazê ma vera hêrişanê DAÎŞî Şingal de têkoşîn keno. O 2016 de ancî birîndar beno. 2018 de embazê ma ancî verê xo dano koyan û derbazê Herêmanê Pawitişî yê Medya beno. Dima ke dadkênaya ey Rewşene Metîn 2017 de bena şehîd embazê ma Cîger xoverdayîşê xo zêdîneno. Embazê ma Akademîya Leşkerî ya Mahsum Korkmazî qedîneno û sey fermandarêkî dest pê erkî keno. O 2019 de beno Fermandarê Eyaletê Wanî.. Embazê ma pêro erk û mesuldarîyanê xo bêkêmasî ano ca. O sey qehremanêkî mîyanê tarîxê ma yê têkoşînî de cagêno. Ma soz danê ke armanc û xeyalê embazê xo bîyarê ca.’’