Mîrasê Zîlane sey sembolê ruhê fedayî mîyanê Têgêrayîşê Azadîye yê Kurdan de veng vet. Leyla Kaplan (Rewşene) xeta çalakîya fedayîye ya Zîlane de 25ê teşrîna verêne ya 1996î de Adana de bi çalakîya fedayî ya vera Mudirîya Hêzanê Taybeyan bawerîya xo ya bi azadîye mojnaye.

Rewşene 1979 de Adana de mîyanê keyeyêkê mêrdînijî de dadîya xo ra bîya. A tena eşkaye dibistana verêne biwana la dima aye bi xîretê pîlî xo perwerde kerd. 

Leyla kuçeyanê Adana de xo resna xoverdayîşê Kurdîstanî. Leyla raporê xo yê serê çalakîya fedayîye de wina vatibi: ‘’Merdimê ke verê serebûtanê Kurdîstanî de bêtewir vindenê ya bêeeqil ê yan zî hinî bîyê hemkar yan zî ajanî.’’

Leyla Adana de tewra serewedaritişan bîye û 1995 de zî tewra gerîlayan bîye. Leyla naye ser wina vatêne: ‘’Mi mîyanê gerîlayan de dî ke gerîlayî xoverdayox û afernayox ê. Mi tim vat ke se beno wa bibo ez do apey game nêerza. Mi embaze Zeynepe Kinaci (Zîlane) şinasnaye. Çalakîya aye zaf tesîrê mi kerdibî. Mi zî bi qerardarî bira çalakîyêka o qayde girewte. Mi qetî qebul nêkerd ke ez veng bimana.’’

Rewşene raporê çalakîya xo de wina venga Rayber Apoyî dabî: ‘’Serekê mi! Ez her çî ra zafêr to ra hes kena. Partîye ra waştişê min o bingeyî caardişê asayîşê Serekê ma yo. Ez bi çalakîya xo soz dana Serekîye, şar, şehîdanê şorişî, embazanê zîndanan.’’

Rayber Apoyî zî çalakîya şehîde Rewşene wina ercnabî: ‘’Erjê pîroz ê! Ganî merdimî perwerê nînan bibê. Sey Leyla bi seyan erjê ma yê qehremanî est ê. Verê pîlî çalakîya aye de ez bi xo zehmetîye ancena.’’

Rewşene vatêne: ‘’Rayîrê azadîye yo ke Serekê ma na ma verî ez rûmetên kerda.’’

Rewşene bi çalakîya xo nasnameyê cinîya azade eşkera kerd.