Hemşaredaran dîyar kerd ke Vengdayîşê Haştîye û Komelê Demokratîkî yê Rayber Apoyî noqtayêka rayîrî ya û ganî pêro kesî bi pêro îmkananê xo paştî bidê nê prosesî.

Neslîhane ard ziwan ke îdareyanê herêmîyan de ê do xetêka azadîgîra cinîyan, demokratîke û ekolojîke bixebitê. Neslîhane vat: ‘’Ma wextê winayênî de yê îmkanê haştîye, îmkanê awankerdişê komelê demokratîkî zaf ê. Vengdayîşê Ocalanî hêvîyî pîlêr kerdî. Ma do pêro îmkananê xo seba awankerdişê komelê demokratîkî seferber bikerê.’’

Abdullah Zeydanî dîyar kerd ke îdareyê qeyûman zerarêko cidî dayo şaristanî la bi eqlê kolektîfî şar do zeraran çareser bikero. Zeydanî vat: ‘’Vengdayîşê Ocalanî tena peymanêka sîyasî nîyo, heman wextî de seba haştîya komelkî ya Tirkîya firsendêko pîl o. Ganî hukmat nê firsendî weş bixebitno.’’