5ê teşrîna verêne ya 2014î seba têgêrayîşê azadîye yê kurdan helêka tarîxîye bi. Arîne Mîrkan a roje Girê Miştenûrê yê Kobanê de vera DAÎŞî çalakîyêka fedayîye kerde.

Arîne 1992 de dewa Mîrkanî (Dîlara Kênc) ya qezaya Mabata ya Efrînî de dadîya xo ra bîye. Keyeyê aye keyeyêko welatperwer bi. Domanîya Arîne bi kulturê kurdan derbaz bîye. A wexto ke şîyêne dibistane mamostayê aye heqaretê kurdkî kerd. Ney hêrsê Arîne zêdîna. 

Arîne 2007 de tewra refanê Têgêrayîşê Azadîye yê Kurdîstanî bîye. Wexto ke DAÎŞî hêrişê Rojawanî kerd a tewra YPJyî bîye. Mîyanê refanê YPJyî de a sey milîtanêka têkoşînê cinîyan vejîyaye vernî.

Arîne mîyanê refanê YPJyî de perwerdeyê xo temam kerd. Arîne bi felsefeya Rayber Apoyî ‘Cinîya azade komelo azad o’ têgêraye.

2014 de DAÎŞî hêrişê Kobanê kerd. Arîne Mîrkan pawitişê Kobanê de rolêko kilîd kay kerd. 5ê teşrîna verêne ya 2014’i de DAÎŞî seba destvistişê Girê Miştenûrê hêrişê giranî dayî destpêkerdene.

Arîna ke gir de komêka qije reyde vera DAÎŞî têkoşîn kerdêne seba ke çeteyî apey şorê gamêka qerardare eşte. Arîne şîye serê çeteyanê DAÎŞî û xo ser de teqaberî teqnayî. Na çalakîye de planê destvistişê çeteyan bin kewt. YPJyî çalakîya Arîne sey ‘Ruhê xoverdayîşê Kobanê û mîyanê têkoşînî de serkêşîya cinîyan’ pênase kerd.

Çalakîya Arîne xoverdayîşê Kobanê resna astêka cîyaye û mojna pêro dinya ke DAÎŞ eşkeno bêro binvistene.

Çalakîya Arîne xoverdayîşê Kobanê vist rojdemê dinya. Vakurê Kurdîstanî de zî 6-8ê teşrîna verêne ya 2014î de bi tesîrê çalakîya Arîne seba paştdayîşê Kobanê çalakîyê pîlî ameyî kerdene. Rojhelat û Başûr de zî paştî dîyaye Kobanê. Arîne ruhê paştdayîşî vet werte. Xeylê welatanê dinya de merdimî vejîyayî meydanan. 

Arîne Mîrkana ke çalakîya fedayîye ya Girê Miştenûrê kerdibî, Şorişê Rojawanî de serkêşîya cinîyan viste rojdemê dinya, sey Zîlane (Zeynepe Kinaci) û Bêrîtane (Gulnaze Karataş) mîrasê xoverdayoxîye yê cinîyan ê kurdan zêdîna.