Merkezê Îrtîbatî û Çapemenîye yê HPGyî nasnameyê panc şehîdan eşkera kerdî. Eşkerayîye wina ya:

‘’Menga hezîrane ya 2019î de Herêmanê Pawitişî yê Medya de waranê cîyayan de embazê ma Bêrîtane, Brûsk, Hîvda, Dijwar û Qehreman şehîd bîyî. Ma nînan bi rêz û minetî yad kenê.

Şehadetê embazanê ma Bêrîtane, Brûsk, Hîvda, Dijwar û Qehremanî seba ma do bibo sebebê pîlkerdişê têkoşînî. Ma soz danê ke ala têkoşînî ya ke şehîdan dewrê ma kerda, seba ke layîqê şehîdan bibê ma do bikirişê.

Ma sere de keyeyanê embazanê xo yê şehîdan ê ercîyayeyan rê pêro şarê Kurdîstanî yê welatperwerî rê serweşîye wazenê.

Nasnameyê embazanê ma yê şehîdan wina yê:

Nameyê Qodî: Bêrîtane Harun Name û Peyname: Berivane Araz Cayê Bîyayîşî: Sêrt Maye-Pî: Hasîbe – Mehmet Tarîx û Cayê Şehadetî: 15ê Hezîrana 2019î / Metîna

 

Nameyê Qodî: Brûsk Andok Name û Peyname: Yusuf Buluk Cayê Bîyayîşî: Wan Maye-Pî: Behice – Gurgin Tarîx û Cayê Şehadetî: 4ê Hezîrana 2019î / Xakurkê

 

Nameyê Qodî: Hîvda Pîrosî Name û Peyname: Rojbîne Akdogan Cayê Bîyayîşî: Şirnex Maye-Pî: Sarya – Hazim Tarîx û Cayê Şehadetî: 6ê Hezîrana 2019î / Herêmê Pawitişî yê Medya

 

Nameyê Qodî: Dijwar Leter Name û Peyname: Cavît Alpaslan Kiliç Cayê Bîyayîşî: Muş Maye-Pî: Vesîle – Fuzr Tarîx û Cayê Şehadetî: 6ê Hezîrana 2019î / Xakurkê

 

Nameyê Qodî: Qehreman Kobanê  Name û Peyname: Mistefa Henifî Cayê Bîyayîşî: Kobanê Maye-Pî: Gulistane – Ehmed Tarîx û Cayê Şehadetî: 17ê Hezîrana 2019î / Herêmê Pawitişî yê Medya

 

Embaza ma Bêrîtane dewa Êrkendî ya Botanî de dadîya xo ra bena. A Adana de bena pîl la kokanê xo ra fek vera nêdana. A xebatanê ciwanan ra dima 2008 de tewra gerîlayan bena, mîyanê PAJKî de perwerde vînena û xeylê cayan de xebatan kena. Embaza ma wextêkê kilmî de bena fermandarêka serkewte. Embaza ma Metîna de têkoşînêkê xurtî kena, serkêşîya gerîlayan kena û bena şehîd.

Embazê ma Brûsk Wan de dadîya xo ra beno. O hêverî tewrê xebatanê ciwanan beno û 2015 de Amedî ra tewrê gerîlayan beno. Embazê ma perwerdeyê xo bi serkewtişî qedîneno. O cephe de tim vernî de cagêno û tewrê Hêzanê Taybetan beno. Embazê ma pêro erk û mesuldarîyanê xo bêkêmasî ano ca.

 

Embaza ma Hîvda Şirnex de dadîya xo ra bena. A tim cuya gerîlayan meraq kena û cigêrayîşan ra pey 2015 de tewra gerîlayan bena. Embaza ma Heftanîn de perwerde vînena û bena gerîlayêka YJA-Starî ya serkewte. Embaza ma heta şehadetê xo qetî nêvindena û peyê xo de mîrasêkê têkoşînî war verdena.

Embazê ma Dijwar Mûş de dadîya xo ra beno. Embazê ma wexto ke têkoşînê azadîye şinasneno, 2015 de bi qerardarî verê xo dano koyan. Embazê ma cade adapteyê cuya koyan beno û embazanê xo yê bînan rê zî beno nimûne. Embazê ma tim goreyê erjanê partîye têgêreno û bi nê hawayî şehîd beno.

Embazê ma Qehreman Kobanê de dadîya xo ra beno. O hêverî tewrê xoverdayîşê Kobanê beno, dima ke çeteyê DAÎŞî yenê binvistene o verê xo dano koyan. Embazê ma rê rêçanê têkoşînî yê xurtan verdeno. Embazê ma beno milîtanêko qehreman û fedayî yê têkoşînî. Ma soz danê ke xeyalanê ey bîyarê ca.’’