Tay tarîxî ruhê şarêkî rê yenê morkerdene; sey sondêkî, destanêkî û adirêkî neslî ra neslî rê zimenî. 22ê gulana 2007 zî semedê Têgêrayîşê Azadîye yê Kurdan wina yo. Çalakîya fedayîye ya Erdal Andokî (Guven Akkuş) ya ke Ulusê Anqara de bi bedenê xo azadîye rê rayîr akerd, bîye sembolê eşqê azadîye û îradeyê ke bin nêkewno. Çalakîya Erdalî rêça Zîlane de sey vera faşîzmê dewleta tirke ke qesasêk, vera komplokeran hîşyarî, vera şovenîzmî serewedaritiş tarîx de cayê xo girewt; bîye manîfestoyê têkoşînê estbîyayîşê şarêkî. 

Erdal Andok 1979 de Îstanbul de ame dinya. Eslê xo de qezaya Zara ya Sêwasî ra yo. Hetê babîyê ci kurd û hetê dayîka ci tirk o. Keyeyê ci Serewedaritişê Koçgirî yê 1919 de aktîf rol girewt bi. Bi tesîrê nê mîrasê tarîxî vera sîstemî bi. Erdal Andokî badê Qetlîamê Gazî yê 12ê adara 1995î  bi qerardarî verê xo da têkoşînê şorişgêrî. Mîyanê têgêrayîşanê çepgîran ê Tirkîya de ca girewt û hema 17 serre bi ke 1996 de ame destbendkerdene. Di serrî zîndan de mend û tîya PKK sarisna.  Bado ke zîndan ra vejîya rîyê zextan ra vejîya Ewropa û tîya tewrê falîyetanê PKKyî bi. Çar serrî (1998-2002), xebatê PKKyî rayra berdî û 2002 de verê xo da koyanê Kurdîstanî û tewrê sefanê HPGyî bi. Erdal Andok 2004 de ronayîşê Teyrebazên Azadiya Kurdistanê (TAK) de ca girewt. Şehîd Erdal sey endamanê ronayoxan ê TAKÎ ra yewî pêro karanê ci de rolo aktîf girewt.

2007 xeberê axûkerdişê Rayber Apoyî vila bîye û no semedê şarê Kurdîstanî û gerîlayan bi sebebê hêrsî. Sey qesasê na hedîse vera Fermandarîya Tirkî çalakîyêke ameye plankerdene. Çalakîye ey bi xo hazir kerd û semedê caardişê ci şi Anqara. La wextê çalakîye de ferq kerd ke yeno teqîpkerdene û hema ke nêrasayo hedefê xo 22ê gulana 2007î de Ulus/Anafartalarê Anqara de çalakîya fedayîye kerde û tewrê kerwanê şehîdan bi.

Çalakîya fedayîye ya Erdal Andokî sey çalakîya verên a TAKî qeydan de cayê xo girewt û o bi şehîdo verên ê TAKî. Fedakarîye û qerardarîya ci ya îdeolojîkî û girêdayîya ci ya Rayber Apoyî semedê embazanê ci bi çimeyê îlhamî. Têkoşînê Erdalî sey sembolê tewirê radîkalî yê semedê îdealanê azadîye dewam keno.