Merkezê Çapemenî û Îrtîbatî yê HPG’yî derheqê çalakîyanê gerîlayan û hêrişanê dewleta Tirkî de eşkerayîyêka nuştekîye weşanaye.

Lêlîkan de çalakîye

Eşkerayîye de ame vatene, “Çarçewaya Hemleya Şorişgêre ya Şehîd Bager û Şehîd Ronya ya ke Wareyê Pawitişî yê Medya de dewam kena, bajarokê Sîdekanî yê Başûrê Kurdistanî de hêzanê ma verê eskeranê Tirkî yê îşxalkeran ê serê Girê Lêlîkanî 28'ê Nîsane (vizêr) saete 16:00 de çalakîyêk viraşte, derbeyê giranî dayî mewzî û stargehan ro û qaso ke ame tespîtkerdene eskerêk dişmenî ame kiştene û 5 eskerî zî bî birîndar. Hêzê dişmenî yê îşkalkerî çalakîye ra dima bi çekanê giranan û ferdî na der û dorî ro. Hetê bînî ra bi SÎHA’yan waşt ke derbe biderê hêzanê ma ro. Bi nê amancî teyareyê bê merdiman ê bi tîpê Bayraktarî girî ser o weriştî û hêzanê ma derbeyî dayî nînan ro. Teyareyê keşfî bêçare mendî apey ancîyayî. Netîceyê şer û çalakîye de zirar nêresto hêzanê ma.

5 eskerê Tirkî Amed de ameyî kiştene

24'ê Nîsane artêşa Tirkî ya îşxalkere wareyê Şehîd Remzî yê Amedî de dest bi operasyonêkê hîrayî kerd. Bi teknîkêkê xurtî, bi yewîyê nimite yê ke verê ra herême de ameyê cakerdene û bi xeylî eskeran operasyon ame kerdene. Roja destpêkî ya operasyonî de (24'ê Nîsane), Girê Zîyaretî yê nêzdîyê dewa Lêxosorî de hêzanê ma çalakîyêk viraşte. Çalakîye de 5 eskerî dişmenî ameyî kiştene.

5 gerîlayî şehîd kewtî

25'ê Nîsane saete 07:30 de, nêzdîyê dewa Mala Farqînî de hêzanê ma yewîyêka dişmenî teqîp kerde û nêzdî ra da pîro. Şero ke tîya de qewemîyayo heta danê şanî dewam kerd. Hûmara eskeranê dişmenî ya ke ameyê kiştene û birîndarkerdene nêameye tespîtkerdene. Hemrayê ma Azîz, Çekdar, Bahoz, Ferhat û Zaza yo ke heta fîşêka peyêne bi qehremankî şer kerdo, şer û bomberdûmanî de şehîd kewtî. Operasyon şanê 26'ê Nîsane de qedîya.

Hemrayê ma Azîz, Çekdar, Bahoz, Ferhat û Zaza nê operasyonê hîrayî de bi bawerîyêka girde şer kerd û derbê giranî dayî dişmenî ro. Ma hemrayanê xo bi rêzdarî  yad kenê û soz danê ke bi serkewtişê Têkoşînê Azadîye yê Kurdistanî ma do vîrardişê înan ra wayîrê bivejîyê. Zanayîşanê derheqê nasnameyanê hemrayanê ma yê şehîdan bado rayapêroyî reyde do bêrê parekerdene.

Teyareyanê şerî Zap bombadûman kerd

28'ê Nîsane (vizêrî) mabênê saetanê 22:00-23:55 de, teyeranê şerî yê artêşa Tirkî ya îşxalkere hêriş bi wareyê Çemço yê Zapî yê Herêmanê Pawitişî yê Medya kerd. Hêzanê ma nê hêrişan ra zerar nêdî, la cografîyayaKurdistanî zirar dî.