Têgêrayîşê Cinîyan ê Azadan (TJA) qezaya Wêranşarî ya Riha de bi rayraşîyayîşêkî qirkerdişê cinîyan şermezar kerd. Rayraşîyayîş û eşkerayîye Parka Şaredarîye de ameyî kerdene. Hemşaredara Wêranşarî Bedrîye Yorgun û xeylê cinîyî beşdarê çalakîye bîyî.

Gulsume Ocalan eşkerayîye wende û vat: ‘’Qirkerdişê cinîyan wextê peyênî de zêdîyayî. Ma zanenê ke eqlê dewlete û polîtîkayê bêcezaverdayîşî cinîyan qetil kenê. Coka ma hertim vanê ke ‘qirkerdişê cinîyan polîtîk ê.’ Ma venga rêxistinanê girseyê demokratîkî danê ke verê qirkerdişê cinîyan de bêveng nêmanê.’’

Çalakîye bi sloganê  “Jin jiyan azadî” û çepikan qedîyaye.