Hemserekê Pêroyî yê DEM Partî Tuncer Bakirhani meclîs kombîyayîşê heftaneyî yê partîya xo de rojdem erjna.

Bakirhanî bi wesîlea 21ê Sibate Roja Ziwanê Dayîke ya Dinya bale ante serê zextanê vera ziwanê dayeke ser û vat: ''Her ziwan rengêko rind o, estbîyayîş. Ma zî vanê ziwanê ma kurdkî anorê ma yo. Ewro hem îrade hem zî ziwanê ma yeno îmhakerdene. Qeyûm dişmenîya sîstematîk a. Dezgehê ke şaredarîyanê ma semdê xizmetê ziwanê dayîke akerdî yenê qefilnayene.  Ez veng dana kurdan ke mîyanê AKPyî de sîyaset rayra benê. Qay hûma nê neheqîye ke vera kurdan bênê, şima senî vînenî? Şima senî eşkenê nê qebul bikerî? Hinî wertaxê nê  zulmî mebê.''

Bakirhanî vist vîrî ke 15ê sibate Şaredarîya Wanî ameye destsernayene û nê vatî: ''AKPyî bi hêrişanê îşxal û qeyûman cehdkerdişê muzakare û dîyalogî sabatoj keno. Wanî ra heta Tişrînî, heta operasyonê vera HDKyî wazenê hêvîya haştîye werte ra wedarê. Komelî 15 sibate Birêz Ocalanî ra vengdayîşêk pawêtene, îqtîdarî mesajê xo yê vera çareserîye da komelî. Ma vengdayîş pawetêne înan bi qeyûmî mesaj da.''

Bakirhanî badê erjnayîşanê xo yê bînan zî qiseykerdişê xo kurdkî temam kerd: ''Me bi kurdî dest pê kir, em ê bi Kurdî biqedînin. Berê gotinek hebû; digot berf diçe ax dimîne. Ew ê herin, em ax in em ê bimînin. Em mafdar in, em ê bi ser bikevin. Serkeftin.''

 Bakirhanî badê kombîyayîşî cewab da persanê rojnamegeran.  Bakirhanî semedê vengdayîşê ke Rayber Apoyî ra yeno pawitene vat: ''No do bibo vengdayîşê serran û xerîtaya rayîrê.''