Baroyê Wanî û  Şûbeyê Wanî yê Komeleya Huqûqnasan a Semedê Azadîye (OHD) şaro ke verê Şaredarîya Bajarê Pîlî yê Wanî de xover dano, zîyaret kerd.

Heyeto ke hemşaredaran Neslîhane Şedal û Abdullah Zeydanî reyde kewtî warê çalakîye bi çapikan û sloganan ame pêşwazîkerdene.

Neslîhane Şedala bale ante prosesê tarîxî ser û vat: ''Destê xo serê îradeyê şaran, ciwanan û cinîyan ra biancê. Haştîya komelkî têna wina bena.''

Avûkatan zî vera na bêhuqûqîye nêrazîbîyayîş mojna û vat ê do tim cayê şarê xo de vinderê û vera neheqîye û bêhuqûqîye vengê xo berz bikerê.