Bartin de xebata cigêrayîşî qedîyaye: 41 kesan dinyaya xo bedilnaye
Xebata cigêrayîşî û xelasnayîşî ya seba teqayîşê Amasya qedîyaye. Teqayîş de 41 karkeran dinyaya xo bedilnaye. Heyetê HDPyî zî ver bi Bartinî kewt rayîr.
Qezaya Amasra ya Bartinî de vizêr saetanê şanî de trafo ra ocaxê madenî de teqayîş qewimîyabi.
Maden de xebata cigêrayîş û xelisnayîşî qedîyaye. Goreyê bîlançoya peyêne 41 kesan teqayîş de dinyaya xo bedilnaye.
Xeylêk şaristanan ra avûkatî seba ke delîlî nêrê nimnayene û cigêrayîş bêro kerdene şîyî şaristan.
Ame îdîakerdene ke vetişê cenazaya peyêne 5 saetan seba ke Erdogan bireso şaristan ameye verdayene.
Hetê bînî ra heyetê HDPyî yo ke Hetkara Hemserekanê HDPyî Şazîye Kose, Ridvan Turan, Endamê Meclîsê Partîye Huseyîn Taka û Endamê HDPyî Zekî Tonbakî ra yeno pê, seba ke şoro Bartin kewt rayîr.
