Delegeyanê Kongreya 12ine ya PKKyî ra Nedîm Sevenî dîyar kerd ke erkê înan oyo ke biranê Rayber Apoyî zerrî ra û bêkêmasî bîyarê ca û vat: ‘’Ma do bêteredûtî kulturê Apoyî Rojhelatê Mîyanênî û dinya ra vila bikerê.
Kongreya 12ine ya PKKyî mabênê 5-7ê gulane de Herêmanê Pawitişî yê Medya de amebî kerdene.
Delegeyanê Kongreya 12ine ya PKKyî ra Nedîm Sevenî kongre de nê ercnayîşî kerdî:
‘’Ma erkêkê tarîxî de têrî yê. Ked û xebatê ke serkêşîya PKKyî de ameyê kerdene fîraz ê, xêrê şehîdan ra yê, kedê embazîye yê. Ma esasê cigêrayîşê têgêrayîşê sosyalîstî de tewr bîyê. Tewr zaf têgêrayîşo Apoyî cigêrayîşanê ma rê bi cewab. Beno ke na kongre de PKK erk û mîsyonê xo temam bikero, xo fesh bikero la mîsyonê tarîxî teslîmê merdimatîye keno. Coka Rayber Apo vano ‘sosyalîzm de israr, merdimatîye de israr o.’
Ganî ma zerrî û ganî ra, bêkêmasî biranê stratejîkan ê Rayber Apoyî bîyarê ca. Ma do bêteredûtî kulturê Apoyî Rojhelatê Mîyanênî û dinya ra vila bikerê. Erkê ma hîra û pîl ê. Verê nê erkan de xonewekerdiş, xovurnayîş û xoperwerdekerdiş girîng ê. Ez amade ya ke pêro vurnayîş û vurîyayîşî xo de bikera. Ez Kongreya 12ine selam kena.’’
