Roniştişê dewaya vera Sereka Verêne ya Yewîya Tabîbanê Tirkan (TTB) û Endama Weqfa Heqanê Merdiman a Tirkîya (TÎHV) Prof. Dr. Şebneme Korur Fîncanci Mehkemeya Cezaya Eslîye ya Îstanbulî de ameye kerdene.

Şebneme Korur Fîncanci 'qijkerdişê Meclîsî, dewleta tirke û organanê dewlete û hukmatî' ra yena muhakemekerdene. Şebneme tewra roniştişî nêbîye la TÎHV, Rêxistina Efû ya Mîyanneteweyîye û Sersefîrîya Almanya roniştiş teqîb kerd.

Mehkemeya Cezaya Eslîye ya Îstanbulî bire daye ke Prof. Dr. Şebneme Korur Fîncanci wa bi zorî bêra berdene bi roniştişê dewa. Roniştiş taloqê 27ê çeleyê 2025î ame kerdene.