Endama Heyetê Îmraliyî û Wekîla DEM Partî Pervîne Buldan derheqê pêvînayîşê Îmraliyî de cewab da persenê JinNewsî. 

Buldane vist vîrî ke a verî zî şîya Îmrali û nê vatî: ''Seba ke ez reyna şîya Îmraliyî ez keyfweş a. 10 serran ra dima reyna şîyayîşê Îmraliyî semedê mi anor o. No semedê ma wezîfeyo bimbarek o.''

Buldane derheqê şertanê Rayber Apoyî yê Îmraliyî de nê vatî: ''Rojdemê ci  est o hazir yeno kombîyayîşan. Goreyê zanayîşê ke ma selahîyetdaranê înan ra girewtî şertê ci hend nêbedilîyayî. Hûnca 22 kanalê televîzyonê ci est ê. Bi tepişteyanê bînan ke ûca de yê hewte de 5 reyî yeno têhet sohbet û spor kenê. Birêz Ocalan wextê zafêr bi nuştiş û wendişî ravêrneno. Şan zî xeberan programanê munaqeşeyan seyr keno û rewî ra kewno.

Verî çimê ci ra hesir ameyênî. 28ê kanûne de ma dî ke hema problem devam keno. Raya dîyîne ma şî Birêz Ocalan amelîyatê katarak bibi û vat amelîyat serkewte bi çimê ci hinî hol vîneno. Reya hîrêyinî de çimê ci reyna hesir kerdêne. Ame vatene ke hesir rîyê katarakî ra nê seba ke kanalê hesran qefilyayî aye ra beno. Semedê nê qerarê amelîyatî çîn o.

Pêvînayîşê peyênî de tewr zaf ameyoxê Tirkîya û dejê ke şarê kurdî antî, înan ser vindert. Birêz Ocalan wayûbiratîya kurdan û tikran ser zaf vindeno û vano No şans o peyên o. Vano gerek no firset bêro erjnayene.  Hayîya Birêz Ocalanî vengdayîşê Devlet Bahçelî ra çîn bi. Vat ey televîzyon ra eşnawit, bi nê vengdayîşî eceb mendo û ci rê spas kerd.

Heme pêvînayîşan de meseleya cinayan girewt dest. Pêvînayîşê peyênî de sey mesajê 8ê Adare îfade kerd. Ma nê mesajî not kerdî, hazir kenê do 8ê Adare de heme meydanan de bêrê wendene. Birêz Ocalanî vat 'yew merdim cinîya ke tira zaf hes keno senî kişeno ez fam nêkena.' Birêz Ocalanî vat mesajê ci yê 8ê Adare ke do semedê cinîyan do bibo mîlat, ronenans wa meydanan de bêro wedene.

Xora ma bi waştişê Birêz Ocalanî partîyê sîyasîyî zîyaret kerdî û şîyî Başûrê Kurdîstanî. Ma netîcayê nê pêvînayîşan reyna ey rê berdî. Birêz Ocalanî waşt ez cinîya Celal Talabanî Hero û waya Talabanî Şehnaz Talabanî zîyaret bikerî. Birêz Ocalan tim vano û tesîrê Talabanîyan û Barzanîyan semedê şarê kurdî de est o. Pêvînayîşanê ma de pêrune paştî daye Birêz Ocalanî. Seba ke Hero Talabanä nêweş bî ma a zîyaret nêkerd, ma xamine Şehnaze dir pêvînayîş kerd. Şahnazhane Birêz Ocalanî rê selam vatî û vat gerek Birêz Ocalan xelate bigîro. Ma nê Birêz Ocalanî rê vatî. O zî pê keyfweş bi.

Nika vengdayîş bi û PKKî no vengayîş qebul kerd.  Gerek şertê Birêz Ocalanî bêrê bedilnayene ke game pratîkî bêrê eştene. Coka hewceyê Birêz Ocalanî ekîbêk est a ke pê bixebito. Pêvînayîşê peyênî de zî vat 'ez hîrê kesan dir yena têhet la no qîm nêkeno. Gerek şertê mi bêrê bedilnayene.' Gerek bi ekîbêk xebatî bêrê kerdene û dima ra Birêz Ocalan bieşko PKKyî reyde îrtabat rono û hazirîya kongre bikero. Xora PKK zî vano 'têna Birêz Ocalan eşkeno kongre kom bikero.' Gamê ke do bêrê eştene semedê ameyoxê Tirkîya muhîm ê. Ma pêro pîya wayîrê vengdayîşê Haştîye û Komelê Demokratîkî bivejê. Bi nê vengdayîşî ma do ameyoxê xo bixelisnê. 8ê Adare de ma do heme mîtîngan de mesajê Birêz Ocalanî ke cinîyan rê şawita biwanê.''