Lîderê verênî yê Partîya Karkeran a Îngilîstanî û dostê kurdan wekîl Jeremy Corbynî îfade kerd ke vera şerê Serekkomarê Tirkîya Erdoganî, kurdî seba azadîye û rûmetî têkoşîn kenê û o hetê şarê kurdî de yo.

Corbynî eşkerayîya Enternasyonelê Averşîyayeyî hesabê xo yê twitterî de pare kerde û no mesaj da: ''Vera şerê giranî yê Erdoganî yê serê kurdan ez paştî dana têkoşînê azadîye û rûmetî yê kurdan. Seba parçekerdişê makînaya şerî, wextê ci ameyo ke têgêrayîşêkê haştîye yê dinya bêro awankerdene.''