Serekê Komeleya Alîman ê Dînîyan a Îstanbulî (DÎAYDER) Ekrem Baranî eşkerayîyêka nuştekîye weşanaye û vat ke: ''Texrîbatê goran heram o. Dişmenîya mabênê merdiman de se bena wa biba ganî seba goristan û cayanê îbadetî hûrmet bêro mojnayene.

Eşkerayîye de nê çîyî ameyî vatene:

''Ziwanê şaran ayetê Homayî yê. Qedexekerdişê ziwanan heqê dewletan nîyo. No kîn, nefret û barbarî yeno manaya bêhûrmetîya vera kurdan û dişmenîya vera cenazayan. Eke no çi nameyê dînêkî ser o bêro kerdene Wezaretê Karanê Dîyanetî derheqê ci de eşkerayîye dayêne. Cenazaya egîdêkê kurdî zî pê kargo erşawîyaye. Na ne îslamî ya ne zî merdimî ya. Alîmê dînî zî vera naye bêveng ê. Ganî pêro merdimê ke wayîrê wijdanî yê xo herinda a dadîye de bifikîrê. Homa ayetêk de vano:'Wa nefretê şima vera neteweyan nêbo û no nêbo sebebê bêedaletîye.' ''