Meclîsê Dayîkanê Haştîye derheqê Vengdayîşê Haştîye û Komelê Demokratîkî yê Rayber Apoyî Amed, Riha û Mersin de eşkerayîye daye.

Amed de  Havva Kiran qisey kerd û vat: ''Gerek wird hetî zî çeke ronê. Rojawanî ra heta Başûrî wa her ca de şer bêro vindetene. Warê şerî de vilîkî nînê ronayene. Wa her kes destê xo bikero binê kerra. Ma veng danê dayîkanê leşkeran ma hinî tabûtan mekirişê. Ma yew bînan bi vilikan verwazî bikerê. Destê xo bidê destê ma. Wa qeyûmî vinderê û berê zîndanan bêrê akerdene.''

Riha de zî dayîkan ra Adalete Çay û Meyaser Korkmaz qisey kerd. Dayîkan vat: ''Ma wayîrê vengdayîşî vejîyenê û veng danê heme dayîkan ke wa pêro vejê waran ke no şer hinî biqedîyo. Gerek dewlete game bierzo. Wa hinî ciwanî memirê, dayîkê mebermê. Sere de Birêz Ocalan wa tepişteyî serbest bêrê veradayene. Meclîs wa rolê xo kay bikero û hinî zerrîya dayîkan mevêşo. Wa hinî wisar bêro. Wa dayîkê leşkeran zî bêrê ma pêro pîya nê welatî bikerê bexçayê vilikan.''

Mersin de zî dayîkan ra Emine Eren û Tenzile Baydar qisey kerd û vat: ''Ma haştîye wazenê.Wa ne dayîkê kurdna ne zî ê kurdan bibermê. Rengê hesranê dayîkan yew o. Dewlete gerek game bierzo û çeke wird hetan zî bêrê vindetenê.''