Înîsîyatîfê Defend Kurdistanî derheqê hêrişanê kîmyewîyan ê dewleta tirke ya îşxalkere de eşkerayîyêke daye û vera şuxilnayîşê çekanê kîmyewîyan venga her kesî da ke tewrê çalakîyan bibo.

Eşkerayîye wina ya:

''Tirkîya hêrişê kîmyewî, şuxilnayîşê droneyê çekdarî û îşxalê Kurdîstanîreyde xeylêk sûcî kerdî. Rixmê îdîayanê cidîyan zî komelo mîyanneteweyî û dezgehê sey OPCWyî vera hêrişanê kîmyewîyan bêveng ê. OPCW raporanê rojnamegeran û cigêrayoxan qebul nêkeno. Hetê bînî ra waştişê analîzkerdişê nimûneyan ameyî redkerdene. No zî hêz dano dewleta tirke ke sîyasetê xo yê sûcî rê dewam bikera. Dewlet û hukmatê dinya zî hêrişê dewleta tirke yê vera şarê kurdî û têgêrayîşê azadîye sey çalakîya xopawitişî û têkoşînê vera terorî meşrû kenê.

Wina aseno ke têgêrayîşê azadîye bi paradîgmaya xo hêzanê hegemonîkan tersnena. Sloganê 'jin, jiyan, azadî' Rojhelatê Kurdîstanî ra berz bi û pêro dinya de bi sloganê têkoşînê azadîya cinîyan. Ma sûcanê hêzanê hegemonîkan vînenê! Ma do vera nê sûcan bêveng nêmanê. Komelo mîyanneteweyî ganî îdîayanê şuxilnayîşê çekanê kîmyewîyan ser de vindero û tedaya Tirkîya bikero ke sûcanê xo yê şerî biqedîna.

30ê teşrîna peyêne ra heta 3ê kanûne roja yadkerdişê pêro qurbananê şerê kîmyewî yê Neteweyanê Yewbîyayeyan de ma venga pêro kesan danê ke pîya têbigêrê û çalakîyan bikerê. Mîsal; tîyatroyê kuçeyan, flaş mob, çalakîyê stadyumî, vîdeo ûsn. çalakîyan bikerê û 3ê kanûne de herêmanê xo de tewrê çalakîyan bibê.

Ma sûcanê şima vînenê! Bêrê ma bêvengîye bişiknê. Vera hemkarîya hukmatan ma bi yewîye û paştdayîşê şaran cewab bidê!''