Vervatoxa DEM Partî Ayşegule Dogan  kombîyayîşê çapemenîye yê merkezê pêroyî yê partî de da eşnawitene ke semedê pêvînayîşê 3ine yê bi Rayber Apoyî muracat ame kerdene.

Dogane vat ê pawenê ke demê tewr kilmî de pêvînayîş bêro kerdene û nê vatî: ''Seba ke cuyeyêka bîne bibe mumkun ma bi hêvî û coşê girdî eşkerayîya tarîxîye ya Birêz Ocalanî pawenê. Ma tîya ra tim vanê ma bertêngê cuyeyêka newî de yê. Nika wextê ci yo ke bêters, bi hewayêkê cesûrî paştî bidîyo cehdkerdişê haştîye û bedilnayîşê demokratîkî.''

Persê heyet de do kesê bînî bibê ya nê ser o Ayşegule Dogan vat: ''Semedê Ahmet Turkî muracat ame kerdene. Hema cewabê muratan nêameyî dayene. Coka ez nêeşkena vajî Ahmet Turk zî heyet do yo la semedê ey muracat ame kerdene.''