Badê tehqîqatê vera Konseya Îstîşareyê Berzî yê TUSÎADî Omer Arasî bi eynî sûcdarîye derheqê Serekê TUSÎADî Orhan Turan de tehqîqat dîya destpêkerdene. Turan semedê îfadeyî ame berdene Edlîyeya Îstanbulî.
Bado ke derheqê Konseya Îstîşareyê Berzî yê TUSÎADî Omer Arasî de tehqîqat dîya destpêkerdene, bi eynî sûcdarîye derheqê Serekê TUSÎADî Orhan Turan de tehqîqat dîya destpêkerdene.
Serdozgerîya Komare ya Îstanbulî da zanayene ke seba ke îfadeyê nê wird nameya bêro girewtene talîmat dayo.
Eşkerayîye de ame vatene ke qiseykerdişê Turanî yê Heyetê Pêroyî yê TUSÎADî de ame tesbîtkerdene ke îfadeyê semedê tesîrkerdişê hukmî û xeripnayîşê haştîya rayapêroyî ameyî şuxulnayene.
Heyetê Pêroyî yê TUSÎADî ke 13ê sibate de ame kerdene polîtîkayê ekonomîyî, tayînkerdişê qeyûman û destbendkerdişê dewrê peyênî ameybî rexnekerdene. Badê nê tehqîqat ame destpêkerdene. Dîya zanayene ke Turan hetê polîsan ra ame berdene Edlîyeya Îstanbulî.
Serekê Tirkî Erdogan zî TUSÎAD hedef girewtbi û bi vatişê ''Şima Tirkîyaya newî de ganî hadê xo bizanî'' tehdît kerdbi.
