Krîzê ekonomîkî yê Tirkîya bi xirabî tesîrê sîstemê weşîye û sektorê dermanan kerd. Seba ke vayê dermanan zêdîyayî û dermanî nênê peydakerdene dermanxaneyan de hînî dermanî nêmendî.

Seba ke qîmetê lîraya tirkan vera kêmîyena vayê dermanan se ra 100-400 zêdîyayî.

Colemêrg de wayîrê dermanxaneyêkî Hakan Tekînî ard ziwan ke sektorê dermanan pabesteyê teberî yo û ê hînî nêeşkenê bi rehetî dermanan bivisnê destî. Tekînî vat: ''Zaf dermanê ke seba nêweşîyanê giranan şuxilîyenê, tewr pîyasa de zî çin ê. Bi taybetî dermanê nêweşîyanê şeker, tansîyon û kanserî nênê peydakerdene.  Merdimî zî vayan ra nêeşkenê dermanan bigêrê.''

Nêweşa şeker û tansîyonî Hanîfe Aydin dîyar kerd ke seba peydakerdişê dermananê xo a zaf zehmetî ancena. Hanîfe Aydin vat: ''Weşîya mi pabesteyê nê dermanan o. Ez ge ge pêro dermanxaneyan ra gêrena ke dermanê xo bivîna. Dermano ke verî 10 lîra bi nika bîyo 70-80 lîra.''