Dêrsim de 14 gulane de polîsan hêrişê merasîmê cenazaya Aysele Dogan kerdbi. Netîceya hêrişî de xeylêk kesî birîndar bîbî û ameyî destbendkerdene.

Suna Çelik, Ali Hidir Ozgen, Mazlûm Coşkun û Bulent Buluç ê ke ameybî destbendkerdene, înan ra hîrê kesî ameyî veradayene û Mazlum Coşkun bi sûcdarîya ''ver polîsan vejîya'' ame tepiştene.

Hetê bînî ra Amed de zî sereko verên ê Amedsporî Metin Kilavuz û hemsereka verên a  DBPyî Hafize Îpek ameyî destbendkerdene. Klavuz û Îpeke çarçeweya cipersayîşê Kobanê de 91 kesê ke ameybî destbendkerdene mîyanê înan de bî. Wird zî ameybî veradayene