Walîtîya Dêrsimî qedexe kerdbî ke Koma Yorum, Koma Îsyan Ateşî û Koma Folklorî ya Veradardzî Festîvala Kultur û Xoza ya Munzurî ya 21. de nêvejîyê sehne ser. Bira qedexekerdişî ra dima vizêr şan Meydanê Seyîd Rizayî de 7 wendoxê Partîzanî û endamê Koma Îsyan Ateşî ameybî destbendkerdene. Ewro endamê kome vera dîyayî.

Endamanê kome Yusuf Rencuzeogullari, Melîsa Yilmaz û Alî Rencuzeogullari bi lezî bi bahaneya muayene ameyî berdene bi Nêweşxaneyê Dewlete yê Erzînganî û nînan rê dekewtişê Dêrsimî ame qedexekerdene.

Endamanê kome verê nêweşxaneyî de eşkerayîye daye. Yusuf Rencuzeogullariyî tîya de vat: ''Festîvala Xoza û Kulturî ya 20. ma rê amebî qedexekerdene, dima serê Pirdê Mutî de ma ser ra helîkopterî perrabî. Walîtîya Dêrsimî narey zî Festîvala 21. ma rê qedexe kerde. Bê sebebî ma merkezê şaristanî de pê îşkenceyî ameyî destbendkerdene û şaristanî ra ameyî vetene. Ma do her ca de hunerê şorişî bipawê û vera faşîzmî bibê veng. Çew nêeşkeno hunerê ma qedexe bikero.''