Pawitox û merdimanê Wekîlê AKPyî yê ê çaxî Îbrahîm Halîl Yildizî 14ê hezîrana 2018î de qezaya Pirsûsî ya Riha de hêrişê keyeyê Şenyaşaran kerdbî û hîrê ferdê keyeyî qetil kerdbî. Prosesê muhakemekerdişî dewam keno. Hêrişî ra dima seba hêrişê nêweşxaneyî û hêrişê dikanê Şenyaşaran di tehqîqatê cîyayî ameybî akerdene la dima dosyayî ameybî yewkerdene.

Dewa de hem keyeyê Şenyaşaran ra hem zî hetê hêrişkeran ra 30 kesî yenê muhakemekerdene. Roniştişê dewa Mehkemeya Cezaya Girane ya Meletî de ame kerdene. Fadil Şenyaşar Zîndanê Amedî ra bi rayîrê SEGBÎSî tewrê roniştişî bi. Versûcî Enver Yildiz, Mekaîl Şîmşek û Celal Yildiz zî bi rayîrê SEGBÎSî tewrê roniştişî bîyî.

Emîne Şenyaşar nêweşîyanê xo ra nêeşkaye tewra roniştişî biba la avûkatî salona roniştişî de amade bîyî.

Dozgerî mutalaya xo eşkera kerde, tehlîyeya pêro versucan waşte û waşt ke tehqîqat bêro hîrakerdene.

Avûkatanê Şenyaşaran zî tehlîyeya Fadil Şenyaşarî waşte. 

Mehkeme tehlîyeya pêro versûcan tesdîq kerde û hepsê keyeyî da nînan. Roniştiş taloqê 21ê sibata 2025î ame kerdene.